Dem boys seh... Sheer kack passing

Dem boys seh… Sheer kack passing

Jul 06, 2010 Dem Boys Seh, Features / Columnists, News

Guyana got high speed internet and nobody ain’t telling GT&T thanks. Dem tekking it fuh granted. But dem boys want fuh know that since GT&T tek this internet thing to a new level why de government must still spend money to do de same thing.
Is like one man building two house and knowing that he can only lie in one and he can’t rent de other one. Dem boys believe that is a case of people wanting to spend money and dem looking fuh every opportunity to spend. Something got to be involved. That is wha dem boys seh.
And dem boys want to know when de hydro gun start. Is one more week fuh de startup date and dem boys certain that nobody ain’t gun say one word bout de project. People gun start fuh hide and Bharrat gun be embarrassed.
One man claim how Bharrat warn de people bout embarrassment and everybody tell he how is a good deal and that he shouldn’t worry. Now de poor man got to worry.
Dem boys seh that de only thing is that he not jailing anybody fuh all de kack that passing. He just tekking it and grumbling. Robert spend money to avoid flooding and de people at Diamond got water up to dem behind. He putting pump fuh drain off de water.
He must explain wheh he spend all this money and if he kacking Bharrat then he must pay. Poor Bharrat.
Talk half. Lef half.