Dem boys seh....Ali Baba and de 40 chores deh in Guyana

Dem boys seh….Ali Baba and de 40 chores deh in Guyana

Jun 13, 2010 Dem Boys Seh, Features / Columnists, News

In school dem boys use to read bout Ali Baba and the forty thieves. When dem read de papers yesterday dem see that some Commission gun prosecute Patrick Manning, former Prime Minister of Trinidad and Tobago, fuh things that Ali Baba and the 40 cohorts used to do.

Now dem boys want to know how long Ali Baba deh in Guyana because every day dem open de paper is sheer thief and robbers. Some of dem get ketch, some get knock off and some of dem dead but like Ali Baba still alive.

Dem boys seh that Ali Baba in Guyana got more than 40. It got to be that he got hundreds. Dem thief from every place and every corner of this country. Dem thief from Customs, from de lotto, de army, de police and even de treasury. Dem contractor an all thief.

Dem boys also read bout Aladdin and the Wonderful lamp. This was a magic lamp and when Aladdin rub de lamp things that he use to wish for would materialize.

Dem boys seh that dem import a magic lamp for de Amaila Falls. It look like all Fip got to do is rub de lamp because de time dem give he fuh build de road got to involve magic.

De lamp rub and Sithe Global come. Fip rub de lamp and de Amaila Falls road disappear. De road was finish. Another rub and de machinery disappear.

Dem boys seh that if Fip touch de lamp one more time, much less rub am, Guyana gun disappear.