Dem boys seh...Henry went looking fuh virgins

Dem boys seh…Henry went looking fuh virgins

Jun 10, 2010 Dem Boys Seh, Features / Columnists, News

People in de city always complaining bout de quality of de water and how dem paying although nuff of dem don’t actually pay.
Well de other day dem boys find out why.
Dem call Julia and give she de reason. De BP oil spill reach Georgetown and get in de water.
All dem dead fish is because of de spill but de people who running de water company don’t want to talk.
Some people who never miss a business opportunity already collecting dem bucket to get de oil which dem planning to sell to GPL.
But is only one thing. In order to sell somebody got to cut a deal wid de buyer. Cutting deals is a norm.
That is wha dem boys seh. Customs always cutting deals wid dem importers. Dem cut so much deal that in de end de government decide to cut Khurshid.
De word is that he deh pun leave and when dem call de office fuh Khurshid all dem getting is a message that he isn’t there.
Nobody ain’t talking. Khurshid get scarce like a silver dollar. But all is not lost. De man still in de country.
People did expect Clement and Henry to abscond when dem lef de country de other day. One went to de US Virgin Islands because he think dem had virgins there and de other went to Washington hoping to see Obama.
All two get disappointed. Dem boys seh that de good news is that dem come back.
Talk half. Lef half.