Dem boys seh...Wharf and Essequibo don’t agree

Dem boys seh…Wharf and Essequibo don’t agree

Apr 30, 2010 Dem Boys Seh, Features / Columnists, News

Robeson mussy get a stroke de other night. Dem boys seh that dem get news that a pontoon sink even before de wharf open. This wharf is to replace de old one at Adventure because de journey from Parika to de Essequibo Coast is too long.
De truck and other big vehicles was to drive off de big steamer to de pontoon and to de wharf. Well de pontoon sink and dem boys tek pictures.
When a reporter call Robeson and tell he that dem boys got pictures he start fuh stammer. “Eh! Eh”. Then like he tongue tie up in he head. “Egg! Egg!” Then he stop talk. Dem boys get worried. It had to be that he get a stroke because de pontoon alone cost millions of dollars.
And dem boys seh that is de fuss time dem notice people running fuh separate dem self from de wharf. BK write a letter and sing like Shaggy, “It wasn’t me.”
De people from de Transport Ministry sing de same song but dem didn’t have ear sound suh it sound like “Ow me knee. De pontoon I can’t see.”
But is a strange thing wid Essequibo. A whole wharf float away de last time. Now is another wharf. Dem boys seh that de government shouldn’t even think about building another wharf in that part of de world.
One float away, one sink and de next one might fly away.
Talk half. Lef half.