Dem boys seh....Dem boss running

Dem boys seh….Dem boss running

Apr 26, 2010 Dem Boys Seh, Features / Columnists, News

Yesterday was a day of mourning and dem boys ain’t talking bout dem people who lost relatives violently. That is sad, especially de boy who get shoot in he head while he was trying to load some scrap iron.

De Waterfalls boss man was in serious mourning to the extent that he going away without paying he staff. He hurt really bad because he bet pun cricket. He tek Mumbai Indians; de staff tek Chennai.

It wasn’t mourning all de time because at one stage he taunt de staff. He tell dem fuh pay half de money dem bet and walk away wid something. De other day he bet against Bangalore and he come to de staff and bet dem 20 to one. Dem boys seh that people shouldn’t ask wha happen.

Already he ain’t getting government ads and he had some debt. Suh yesterday come really hard. He bookie tekking one month leave suh he don’t have to pay and de boss going away.

Imagine some people ain’t even get money and dem credit shoes from Bhena’s; goods from Nigel’s, liquor from Pet Boys and even short drop from some taxi.

Dem boys seh that is de same situation mek Bharrat staying out of Guyana. He owe de World Bank; he owe de IDB; he owe de Caribbean Development Bank and he owe nuff Private Sector businessmen.

Talk half. Lef half.