Dem boys seh...People mek dem boys lie

Dem boys seh…People mek dem boys lie

Feb 25, 2010 Dem Boys Seh, Features / Columnists, News

Is one thing fuh mek a mistake, is another thing to mek everybody know. Dem had a debate in parliament and Khemraj mek a big mistake. It tun out that he didn’t hear good. De story mek de newspapers and Ralph get vex because he claim how people attacking he integrity.
De man play de tape of de whole proceedings but he did already mek dem type out de statements. De thing suh shameful that de Waterfalls paper got to apologise. Khemraj got to apologise too.
But that is not de only thing. Dem boys mek a claim against NBS and dem was wrang. A big one call to seh that NBS can’t bruck; that it got too much money. De way de thing going NBS might end up paying salaries fuh de whole country.
De big man tell dem boys how NBS got $6 billion in de government and it got $2 billion in dem commercial banks.
But dem got some other things that dem boys got wrang. Dem claim how Bharrat was running fuh a third term when that wasn’t so. Dem wonder whether is a case of people trying fuh mek dem look bad by giving dem false information.
Anyhow, dem got nice things to think about. De watch dem Brazilian gyal pun de float parade. If you see flounce and pounce and bounce. When de things really get hot dem gyal try fuh tek off everything, right down to de li’l thong that dem had to wear by law or get charge.
Yesterday was a whole heap of men end up wearing dark shades. Dem was suffering from womanpartsitis.
Talk half. Lef half.