Dem boys seh... Each govt got dem own price

Dem boys seh… Each govt got dem own price

Nov 19, 2009 News

When you get gift all of a sudden dem cheap but when you got to buy de same thing de price does be high, high.

De other day de Chinese give Guyana a gift of more than 100 generators and some other things. Dem boys seh was nuff things. De Chinese Government value de thing at $6 million. Well dem boys seh that if Robert had to buy dem same things, de Guyana Government woulda report that de price was $66 million.

That is de price of Osafo car wha some people tek from he de other night. Osafo is one of de workers at de Waterfalls paper.

As soon as he done wuk, no matter how late, he gone pun de seawalls. But last night he refuse to go. In fact, he nearly beat up a man when de man ask he if he going on de seawalls. De night before instead he tek he bed early he pick up two friends and go pun de seawalls. He sit down and he feel nice because somebody was giving he nice words. De next thing is that he feel two knife to he neck and back.

He friend run way; people who in dem car drive way and de next thing people know is that he alone and de people. Dem tek way he car and he cell phone; dem tek he watch and he clothes. Dem even tek de US$200 that de boss man give he in Barbados de other day.

Dem boys want to know if he get interfere wid. Dem seh that he go to wuk de next day walking funny.

Talk half. Lef half.