Latest update March 23rd, 2025 9:41 AM

Guyana's largest selling daily and New York's most popular weekly

Latest News

Cane cutter now turn contractor

Aug 14, 2009 Dem Boys Seh, Features / Columnists

Dem boys get dumb when dem hear that a GRA vehicle use to carry bandits to some place after dem lock down fuh de day. Now Customs got a right to check any time but most time dem didn’t check in de night.
De fuss time dem boys see de vehicle, dem know it look familiar but dem couldn’t see de logo because somebody cover de sign with cardboard. But dem boys know the car, if not de number, de colour and de shape.
De fuss night de vehicle show up at a place and money disappear, dem boys seh how GRA collecting taxes in de night. One  man claim how dem at GRA can’t wait fuh tax deductions when people file dem returns suh dem does go wid gun.
But de police covering up this thing. Dem claim how de Waterfalls paper lie when dem seh that de police find housebreaking implements. De police right; dem find things fuh break store and warehouse.
Dem have people who does break de bank and dem have those who does break de treasury. Dem boys seh that some does break rules and others does break de mould.
Bharrat is de exception because he don’t break nutten, not even a teacup.
De politicians decide that after Burnham, nobody gun sit down in de President chair fuh a long time. And even if dem want to change dem mind dem got Mugabe and Castro to look to and dem ain’t like wha dem see. Even Chavez now creating problems. Dem limit de term to two suh that after then somebody else got to tek de chair.
Bharrat claim that he ain’t gun run fuh a third term. Dem ask he all over de place, even in Trinidad and he seh that he ain’t got no interest. He is a good man but fuh some reason people ain’t believe he.
Dem see he and Chavez de other day and dem believe that Chavez put it in he head fuh hold a referendum. Now de referendum is like some election. De only thing is that people does either vote yes or no. This one gun be interesting and Bharrat bound to get de two-thirds needed fuh stay on.
De ballot paper gun have Bharrat next to yes and a donkey next to no. Is one question—who u-all want to lead? Of course de only problem is that some people since most of dem can’t read or write, gun believe that de question is which is best to eat. Is sheer problems after de vote count.
One man who close to Bharrat seh that Bharrat could lead past de next elections because after de referendum he can wait four years before he call elections suh is just like if he get a third term.
That is when dem boys remember that Corbin did announce that he gun step down before de next party congress. Some people smile but dem didn’t know that step down ain’t mean not running back. Now people wondering whether politicians come from a special mould.
But three terms is a good thing, according to dem boys. De first term is trial; de second one is to clean up de mistakes de president mek during de first term. The third term is fuh mek dem heights.
That is why some cane cutter tun contractor. Dem mean fuh mek dem heights and nuff getting through. One build a bridge and although he ain’t build it good he get another contract to build a school.
One want to build a Leguan stelling and one claim that he want to build a stelling. When de Procurement team visit he to see he equipment he show dem a cutlass, a file and a hook.
When de Procurement team fail de man, de man complain to higher authorities and he get de wuk. Is de same thing happen when a man build a stelling at Charity. De stelling end up floating way and dem boys believe that it was de best boat dem ever see.
Is when dem ask de cane cutter tun contractor how things get suh dem know wha happen. De man claim that long time dem use to pay de officials ten per cent and dem keep ninety. Now things tun full circle. Dem get ten per cent of de contract and de officials does get ninety per cent.
Talk half. Lef half.

Similar Articles

The Glenn Lall Show|| March, 17th, 2025

Follow on Tik Tok @Glennlall

THE BLUNT OF THE DAY

Sports

Reliance Hustlers delighted for Youth Programme support from First Lady

Reliance Hustlers delighted for Youth Programme support from First...

Mar 23, 2025

Kaieteur Sports- President of Reliance Hustlers Sports Club Trevis Simon has expressed delight for the support of the Youth Programme from First Lady Arya Ali under her National Beautification...
Read More
Relentless Chase demoralize West Dem’ to remain unbeaten

Relentless Chase demoralize West Dem’ to remain...

Mar 23, 2025

AAG makes history with US$300K Adidas sponsorship deal

AAG makes history with US$300K Adidas sponsorship...

Mar 23, 2025

Historic NSC sponsored GGA 2nd Annual National Long Drive Championships set for March 29

Historic NSC sponsored GGA 2nd Annual National...

Mar 23, 2025

St. Lucia’s Elite Blazers takes aim at FIBA 3×3 World Tour in Edmonton

St. Lucia’s Elite Blazers takes aim at FIBA...

Mar 22, 2025

Petra/Milo U18 Football kicks off Round II action today

Petra/Milo U18 Football kicks off Round II action...

Mar 22, 2025

Features/Columnists

Publisher’s Note

Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.

Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]

Weekend Cartoon

Bridge Watch

Demerara Harbour Bridge

> Berbice Bridge […]