Latest update April 1st, 2025 5:37 PM

Guyana's largest selling daily and New York's most popular weekly

Latest News

Is nice people does thief and get ketch

Aug 07, 2009 Dem Boys Seh, Features / Columnists

Is a bad thing when people thief something and dem ain’t know nutten bout it. That is wha happen to a woman at a party in BV de other night.
A certain big one in de police force decide to hold a birth night party fuh he friends. If you see drinks and food. Music mek dem boys remember when dem was young because was really oldies.
De girls dem tun up and by nine o’clock de party was kicking. Some of dem gyal couldn’t hold dem cell phone and dance suh one of dem rest she phone pun de table wheh she was tekking a few drinks wid friends.
Up comes a nice woman who dress to death and smelling sweet like if she get some free perfume. Dem boys see she and dem eyes light up. One of dem move to she fuh a dance but de woman refuse. She stand up by de table like if she pin down and all she doing was smiling when dem ask she fuh a dance.
When de other lady done dance she go back to de table and she notice that she phone missing. She peep under de table to see if she drop it; she walk all over de floor looking down and she still ain’t see de phone.
One of she friend get a bright idea and decide to ring de number. De musician stop de music and de phone ringing loud. People looking round but dem can’t see de phone. Dem only hearing it.
A man who hear de phone ringing look round and he eye mek four wid de nice woman. De phone been in she underwear.
Dem boys seh that she tek de phone but she didn’t know how to turn it off. Was shame bush. De owner of de phone go to strip de lady but dem boys beg she to be decent and let de woman tek it out and give she back.
Believe it or not, de woman who had de phone get vex because she shame.
She do a funny thing and de phone fall pun de ground and she walk away grumbling how people eye pass she. Everybody shame fuh de lady.
One man seh that she should tek a polygraph test. Bharrat and all he Ministers should tek polygraph test. Simels seh suh.
Was de same thing when a certain real estate man bid fuh a property across de road from de American Embassy. He bid $63 million; de nearest bid was $49 million and of course there was Gerry wid a bid of $43 million.
Dem boys seh that when was time fuh de real estate agent pay, he ain’t got de money. Was more shame. He try fuh borrow from he friends but dem didn’t have. Even dem boys didn’t have. One of dem claim that all de money he had in he pocket was to buy some drinks fuh dem other boys.
Gerry sitting back because he know that he could end up owning that place too. Dem boys watching. Bush got ears. Some cock pass and dem boys seh that all of dem should tek de polygraph test.
But dem boys seh that dem have a penalty fuh winning a bid and cancelling. Is ban de man can get ban from any other bid. He got to do de same funny thing like de lady at de party and see if de money gun fall out from he underwear.
Dem boys watching and one of dem want to know if de police can come in to solve de problem. Dem remember that de police tek one week to solve de mystery of de Health Ministry fire.
Bharrat promise dem $25 million. That money can help de real estate man buy de property but dem boys want to know if he gun pay back.
But de speed wid which dem solve de problem got dem boys thinking. Dem can’t solve de mystery of how somebody break in de police headquarters and thief Henry Greene pants; dem can’t solve de mystery of dem two man who walk out of Providence Police Station without breaking out; and dem can’t solve some of dem murders that happen years ago. Greene should tek a polygraph test because he claim how he nah loss nutten and he lef only de other day wid he shorts.
Dem boys seh that he was sleeping when dem thief he pants.
Talk half. Lef half.

Similar Articles

The Glenn Lall Show|| March, 31st, 2025

Follow on Tik Tok @Glennlall

 

THE BLUNT OF THE DAY

Sports

Berbice Cricket Board U19 Inter club competition begins today with several matches

Berbice Cricket Board U19 Inter club competition begins today with...

Apr 01, 2025

By Samuel Whyte In preparation for the upcoming U19 inter County cricket Competition the Berbice Cricket Board (BCB) will today commence their inter club U19 cricket competition. The competition will...
Read More
Windball Cricket Reg. 4 EBD Jagans Memorial underway

Windball Cricket Reg. 4 EBD Jagans Memorial...

Apr 01, 2025

Supenaam All Stars successfully defend title in Guinness Greatest of the Streets Essequibo Zone championship

Supenaam All Stars successfully defend title in...

Apr 01, 2025

ExxonMobil Guyana, Linden Inter Schools Football Tournament launched

ExxonMobil Guyana, Linden Inter Schools Football...

Apr 01, 2025

All-round Demerara keep win-streak alive with 14-run victory 

All-round Demerara keep win-streak alive with...

Apr 01, 2025

Rietema retains Title against stacked field 

Rietema retains Title against stacked field 

Apr 01, 2025

Features/Columnists

Publisher’s Note

Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.

Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]

Weekend Cartoon

Bridge Watch

Demerara Harbour Bridge

> Berbice Bridge […]