Latest update February 22nd, 2025 2:00 PM
Latest News
- $277.9M Mabaruma Magistrates’ Court commissioned at Mabaruma
- Min. Indar scolds contractors over unsanctioned works days after VP Jagdeo called out ministry’s shoddy management of construction sites
- White House expects Ukraine to sign critical minerals deal soon
- Simplify cash grant distribution processes
- Peacemaker chopped after intervening in argument
Since when Black Clothes tun traffic cop?
Dem boys use to think that Bharrat coulda sell. Dem talk when he sell GAC, de stockfeed plant, de oil company, Guyana Stores, and a whole heap of places. Some of dem even call he Peter SELLERS. Well dem have another and he bad.
Imagine dem have a newspaper that people don’t read but de owner ain’t stupid. He buy a TV station suh that people can see de newspaper. But is Tony who tek de cake. De man build de TV station. It was de fuss in de country and it was de best. It had de best newscast and de widest reach. Now Tony sell. Dem boys seh that he going to live in de States.
He leffing this country wheh black clothes police does tun traffic cop in de night. Imagine this man is a fisherman and de way dem black clothes does tackle he dem boys does believe that he is a millionaire. De fuss time de man drive up. De police ask he fuh licence, fitness and insurance.
Dem boys see when de man produce de documents but that was not good enough. Dem same man tell he that he had to leff a coffee. De man give dem a towel. De next day de same crew stop he and was de same thing.
Dem boys sit down and watch this thing and dem wonder wheh this poor fisherman finding de money. Well dem nearly dead this week. De man walk wid two containers and when de police done dem routine and dem ask fuh a coffee de man pull out one container. It had coffee.
One of dem think that he smart he claim how he want tea. De man bring out de other container. He nearly end up in jail because dem police get real vex. Imagine how de man tremble.
Dem boys seh that he know that when dem have de white sleeve dem is traffic cop. But black clothes? Dem use to hunt Fine Man. Now dem hunting car man. And if you see de car. If rain fall you et wet and when sun shine you bake. Dem boys claim that if he was a hire car he woulda starve.
De same man claim how he had cause to walk de other day and even then he wasn’t safe. He walk into de road block and of course de police ask he fuh licence, insurance and fitness. De man seh that he walking; dem tell he that he got car and in any case he got to lef a towel. He cry. He end up jacking up de price fuh de fish and nearly eat all.
He still remember de time when he pass and he lef a raise wid one cop. When he pass back de same people stop he and he decide to announce that he give a raise when he pass.
De other cop claim, “You give he. This charge is fuh me.” That is just like de man who now got to decide wheh he gun live. He owe GNCB and when dem sell de bank he think that dem sell he loan. He stop paying and now he sorry. Dem tek de hotel and he house.
Somebody at City Hall also get de bright idea that since dem ain’t got system dem gun try a thing. Dem decide to hustle sale money. De only thing is that de timing was bad. Dem get ketch and now is like de man who sing, “Many a tear has to fall”.
Talk half. Lef half.
Similar Articles
THE BLUNT OF THE DAY
Sports
Features/Columnists
The clock and the cloud
Peeping Tom… Kaieteur News- Time, as the ancients knew, is a trickster. It slips through the fingers of kings and commoners... more
CARICOM Nations Should Respond Together To new U.S. Policies
By Sir Ronald Sanders Ambassador to the US and the OAS, Sir Ronald Sanders Kaieteur News-Two Executive Orders issued by U.S.... more
Weekend Cartoon
