Is bunnin’ and cross buns

Apr 10, 2009 Dem Boys Seh, Features / Columnists

People does hot oil fuh fry fish but these days some woman does use hot oil fuh other reason. Dem got things to de stage wheh dem boys does call dem woman who hotting oil fuh bun man, Burnadette.
And that was de case. A youth man fall in love wid a biggish gyal and all of a sudden he feel he big. He beat de woman. Old people seh that yuh don’t jump before yuh sure wheh yuh gun land. He beat de woman but he fuhget that he got to sleep.
Before he sleep he think that he gun mek up suh he really wuk up he self pun she fuh gain some points. He wuk up he self pun de woman till he get tired. He even call he friend pun he cell phone to talk bout how he tear skin, and de woman lie down right deh.
Dem boys seh that if you know things bad, sleep wid one eye open. He sleep wid all two shut. De woman put on de oil and mek sure that it hot fuh couple hours, then she bun de man. People want to know if de man name fool he in de fuss place. He name Cox. That is plural. De woman bun he from he waist up and when dem boys ask she why she choose to bun he up rather than down, she smile and claim how she might have future use fuh something that share he name.
Then you got de one-arm swordsman who love woman name Bernadette. He decide that he gun be a relative of Burnham. He tek de fuss Bernadette and things ain’t wuk out so de two of dem lef.
He tek another Bernadette and he nearly kill she. Dem war and fight and she decide to move out and lef he in she house. She mek a mistake and go back fuh some clothes and de man nearly kill she but she fight he off. Because of de one hand he couldn’t hug up and hold on suh de woman chuck he and run way.
De man get vex. He tun Burnham because he light de house afire. Dem boys now calling he Burnahouse. He in hospital because he tek out he passion pun heself. He slash he belly, just like how two people at OP nearly slash one another.
Two of dem talking bout treatment of staff and Globe Trust. Things get hot at de GINA Board meeting and is one shouting match. Luncheon sit down and he keep quiet. Kwame get vex and Prem get more vex.
Dem nearly come to blows. If you hear insult from both sides but people know, don’t byuse wid Kwame because he can handle heself. In de end Prem walk out in a passion and de meeting continue. Kwame win de fuss round and dem boys seh that Prem probably remember that Kwame did put some bullet pun some bird in a tree outside he window. It didn’t matter that he miss all.
But de passion was something else dis week. De only time people ever get more vex like that was de man who accuse de old man of playing wid he wife. The old man see de man comin at he wid two knife and he think that de man can’t use all two.
Fuss he think about scrambling de man but something tell he “nah’ suh he start fuh run. He run till he get weary. He run from Alberttown to Queenstown to Charlestown and end up in Albouystown. He weary but de man who chasing he still pumping behind he.
He think he was Obama suh he gun try some diplomatic reason fuh cool de man passion. He start fuh talk but de man tackle he and was one scramble. One of de knife drop but de man put some good juk in he wid de other one. He fuhget that he was tired because de juk start fuh bun; and he start fuh run… again…, and de man deh behind he. He run till he bun—again. Is a good thing he see a police patrol.
Today is Good Friday and dem boys expect de devil gun busy. Dem poor rum boogie gun deh bad because rumshop gun shut and of course, all dem woman going to church suh is no proppa food. Is just hot cross buns. Buns? Oh Lawd, more bunning.
Talk half. Lef half.

Latest News

Is bunnin’ and cross buns

Related

Similar Articles

The Glenn Lall Show|| March, 17th, 2025

Follow on Tik Tok @Glennlall

THE BLUNT OF THE DAY

Sports

𝐓𝐒𝐔, Region 2 book semi-final spots as teams look towards...

World Athletics recognize AAG Elections

Ramdehol named Berbice skipper ahead of GCB U17...

National player Nigel Bryan represents Guyana at...

Newton embarks on two-week training in Paraguay

Kennard Memorial Turf club expresses heartfelt...

Features/Columnists

The U.S. pressure on Venezuela may backfire on Guyana

The Caribbean: Destined to Grin and Bear the Consequences of Its Self-Created Vulnerabilities?

President Ali’s dawn patrol

Publisher’s Note

Weekend Cartoon

Bridge Watch

Demerara Harbour Bridge

> Berbice Bridge […]

Is bunnin’ and cross buns

Share this:

Related

Similar Articles

The Glenn Lall Show|| March, 17th, 2025

Follow on Tik Tok @Glennlall

THE BLUNT OF THE DAY

Sports

Features/Columnists

Publisher’s Note

Weekend Cartoon

Bridge Watch

Demerara Harbour Bridge

> Berbice Bridge […]