Latest update January 14th, 2025 3:35 AM

Guyana's largest selling daily and New York's most popular weekly

Latest News

Is spelling and copper in dem tail

Apr 03, 2009 Dem Boys Seh, Features / Columnists

World leaders meeting fuh discuss money. Dem talking bout who can help who and who can mek adjustments, suh de whole world and poor people looking on. Some of dem lost dem wuk and dem only hearing that dem might get back some wuk when de situation change.
Dem boys want to know why Bharrat ain’t gone because he is de best economist in de region. He is de one who find flaws in de EPA that de European Union push pun de region. He is de one who wuk magic and pay Guyanese even when de country ain’t got money.
Bharrat even save Guyana from de economic crisis and he might have made a serious contribution to de G-20 meeting. What dem didn’t know was that Guyana ain’t get invite. De big shots claim that when dey talk bout G-20 dem talking bout country wid money. But dem boys want to know why Trinidad ain’t get invite because Trinidad got oil money.
Dem boys claim how dem big countries discriminate against Guyana and dem other countries in de Caribbean. Dem write to Bharrat and dem get a reply that Guyana gun form de BG-20.
Now when people talking bout G-20 dem mean de Group of 20. Dem boys ask Bharrat wha BG-20 mean and one of dem still laughing. Bharrat tell de man how BG stand fuh Big joke. It gun include all dem countries like Guyana—suh BG-20 gun comprise Haiti, Mali, Chad, Bangladesh, Azerbaijan and countries like that.
Dem gun discuss how to borrow and how to avoid paying interest. Dem gun decide how to protest when dem rich countries bully dem and above all dem gun form a cartel to sell ganja internationally.
But dem gun have a serious problem pun dem hand. Imagine things suh bad that a team from French Guiana come to Guyana to find out why de education standard suh bad. De people use to hear how Guyanese bright but de other day dem find out that things bad. One of dem give a Minister a note pun de paper and was shame. De Minister tek de note, tun it upside down, then call he secretary because he claim how he couldn’t see properly.
Is de night when dem give he de invitation to visit Cayenne that dem realize that de man can’t read.
Is de same thing wid de police and de army. Dem boys know de story bout de policeman who couldn’t spell Urquhart suh he walk wid de prisoner to Main Street and charge he. Dem know bout de policeman who arrest two men and mek all two get away.
De fuss man drop he hat and he tell de policeman that he drop he hat and he got to pick it up. De policeman tell he to go and pick up de hat and de man pick up he hat and run away.
De second man try de same trick but de policeman was smart. He tell de man “You want to run away too. You stay right here and I gun go fuh de hat. Of course de man run away.”
Well is suh things get in Guyana and all de money dem spending ain’t changing nutten. Imagine a soldier go to Agricola and get caught up in some shooting action. He jump pun he radio and holler how dem want guns to continue de engagement.
De receptionist couldn’t hear good suh she ask de soldier to spell de word. “G—as in Jesus; U—as in Europe; N— as in pneumonia and S—as in Psychology.”
Imagine de receptionist run and tell she boss how some soldier tell she that Jesus in Europe and he ketch pneumonia because he didn’t know psychology.
But de girl from Meten-Meer-Zorg who wukking at de Waterfalls Paper create a stir at de Telephone House when she go to pay she phone bill. When she walk in all eyes was on she because she look nice. Is when she go to pay de bill that dem boys get shame.
She tek out de change; if you see silver and copper. De cashier still counting.
Talk half. Lef half.

Similar Articles

The Glenn Lall Show | January, 10th, 2025

Follow on Tik Tok @Glennlall

THE BLUNT OF THE DAY

Sports

Pakistan targets West Indies’ vulnerability with spin-heavy squad for Test series

Pakistan targets West Indies’ vulnerability with spin-heavy squad...

Jan 14, 2025

SportsMax – Pakistan has unveiled a spin-dominant squad for the upcoming two-match home Test series against West Indies, aiming to exploit the visitors’ well-documented struggles against spin...
Read More
West Indies U-19 Women defeat Nepal by nine runs in first ICC U-19 Women’s T20 World Cup Warm-up match

West Indies U-19 Women defeat Nepal by nine runs...

Jan 14, 2025

Sir Clive Lloyd to Lead Operations at proposed Cricket Academy

Sir Clive Lloyd to Lead Operations at proposed...

Jan 14, 2025

Savory, Anderson batting form a good sign for Harpy Eagles, following first practice match 

Savory, Anderson batting form a good sign for...

Jan 14, 2025

GFF/Racing Madrid partnership brings new head coach and two technical experts to Junior Jaguars U17 team

GFF/Racing Madrid partnership brings new head...

Jan 14, 2025

Chatargum, Persaud headline Senior National Indoor Barebow Archery Championships 

Chatargum, Persaud headline Senior National...

Jan 14, 2025

Features/Columnists

Publisher’s Note

Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.

Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]

Weekend Cartoon

Bridge Watch

Demerara Harbour Bridge

> Berbice Bridge […]