Dem boys seh - Madness tek over

Dem boys seh – Madness tek over

Jun 06, 2008 Dem Boys Seh

This week some people do so much stupidness that dem boys start to wonder whether was de world coming to an end. To start dem had Bappo who always believe that in this day and age de best thing to do is to single out money. He gun have one set in one pocket and another set in another pocket and dem $20 bill in he back pocket.

Dem boys suppose that it use to wuk till dem hear he crying. Some man come to he fuh payment fuh something and Bappo pay de man and come out de building smiling.

Now dem boys seh that whenever Bappo smile after he deal wid money is because he rob somebody or he gain something. Not lang after dem hear Bappo fretting. It tun out that he give de man a towel and fifty of de best—de real McCoy; Uncle Sam.

Is then de whole story come out. He tek a drop wid a taxi and he tell de driver fuh come to de office fuh de money. Dem boys seh that it was the most expensive short drop a man ever get–$11,000.

Uncle Freddie still laughing. He drop Bappo to de taxi service fuh collect he money. De driver cuss Bappo and ask he if he stupid. De same Bappo who lef in a passion, come back to de office like a lamb. He still talking how is better he did drink couple beer wid de money.

This thing happen Monday. Bappo ain’t come to wuk Tuesday and Wednesday. He come yesterday and tell people how he get fever. Well dem boys want to know wha would happen if he did lose one hundred Uncle Sam. He woulda dead.

Then dem had a man name Lexie. Doan ask dem boys how man get name like Lexie, but is dat he name. Anyhow Lexie always hollering how he got de flavour and how he is a diva and how he got what it takes. People just use to watch he and smile till a youth tun up at Lexie office crying. Lexie done gone home and de youth ain’t know.

When dem boys get to de bottom of de story, was shame. One dutty story come out; dem boys hear who did tek in who fuh live wid who; who thief from who and move out; and who got to tek lef.

That was de start. De youth end up at Lexie office wid a knife that sharp like a whistle and talking how he gun kill Lexie. But like Lexie smell de rat because he lef early.

But de youth come back de next day and parade. Dem boys shame suh fuh Lexie till dem can’t shame no more. But is when Lexie, in a loud voice, tell a man who was hoping to done de slackness, that he shouldn’t get involve.

De phone ain’t stop ringing and dem boys sitting back and watching people crying and telling de other one how is he fault and how love is dangerous.

But if dem boys think dem see enough stupidness dem had to think again because a woman who celebrate she birthday in April tell de staff how was she birthday last week. Dem boys don’t keep track suh when dem hear dem send and buy a card and get people fuh sign it. Dem get de gyal next door to stock up pun some beers fuh later and some of dem order food.

De Waterfalls boss man who ain’t like hear bout sport push the hand in he pocket and fork out 20 towel fuh de lady. When he hear that he get con, he shame. He get vex and threaten fire and brimstone. Dem boys still laughing because another woman con he.

Now dem boys seh that all dem gyal seh that all of dem gun have two birthday this year.

Then dem have de new newspaper. Dem boys see a copy and dem shock because every page is colour and dem photo look nice and clear. But dem got one thing; dem waiting to see de content because dem know that de Waterfalls paper does get de every bit of news at de end of de day.

But that is wha cause some problem because de people at de new newspaper cast a net fuh pull in de Waterfalls people. Dem ketch some who stray but de others pun de job is wha got teeth. Dem boys seh that dem and all gun start a campaign to pull people from de new newspaper.

And of course, Uncle Freddie who don’t miss a freeness guh to de launching last night. He walk wid a paper bag fuh prags and he decide that he wasn’t going till Bharrat done talk. Well that was de last thing pun de agenda suh Uncle Freddie get screwed. He ain’t get nutten, not even a bouche.
Talk half. Lef half.

Latest News

Dem boys seh – Madness tek over

Related

Similar Articles

The Glenn Lall Show | January, 27th, 2025

Follow on Tik Tok @Glennlall

THE BLUNT OF THE DAY

Sports

GSL 2025 to take place in July

Ken Harvey dominates GBA’s Pepsi/Michael...

Goal is Money survive scare on Opening Night of...

GFF President congratulates Junior Lady Jags

Former Windies captains remember...

Olympic Kremlin crowned Horse-of-the-Year at One...

Features/Columnists

The PPP/C’s greatest liability

OAS Secretary General Election and renewed OAS Consensus

Guyana: violence increasingly seen as solution

Publisher’s Note

Weekend Cartoon

Bridge Watch

Demerara Harbour Bridge

> Berbice Bridge […]

Dem boys seh – Madness tek over

Share this:

Related

Similar Articles

The Glenn Lall Show | January, 27th, 2025

Follow on Tik Tok @Glennlall

THE BLUNT OF THE DAY

Sports

Features/Columnists

Publisher’s Note

Weekend Cartoon

Bridge Watch

Demerara Harbour Bridge

> Berbice Bridge […]